YE JEEVAN HAI TU JEETA JAA....!!!

ye jeevan hai tu jeeta jaa,kuch karta jaa kuch seekhta jaa

tu chalta ja aage badhta jaa bus yaad sabhi ko karta jaa

tu na mud kar dekh apne itihas ko

tu dekh sirf apne andar ke wishwas ko

kar tu shapath aaj aur badhta jaa

jaise Ram chale the vanvas ko

milenge bohot se mitra tujhe apni raah me

kuch bhatkayenge tujhe to kuch kahenge araam karo

bus koi ek hi hoga jo teri dhal banega aur kahega tujhse tu ladta jaa

par tujhe us bheed se hi dhundhna hai apne priya hanuman ko

kuch pane ki chah me tu vish ka pyala bhi amrit samajh peeta jaa

Ye Jeevan hai tu jeeta jaa, kuch karta jaa kuch seekhta jaa

Is jeevan ke chakravyuh me tu har dwar ko paar kar

apne dushmano ko maar tu khud ko kamyaab kar

gir jaye gar tu raah me to yaad kar maa baap ke balidan ko

us balidaan ko ehsaan maan tu bus aage aage badhta jaa

jaise badh chale the abhimanyu aur tod diya tha chakravyuh ko

kuch kaam kar kuch naam kar ki dunia tujhko samman de

pohoch kar tu manzil pe apni kamyabi ka zhanda gaad de

jeevan ke is kaal me tu us kaal ko bhi maat de

agar aaye kaal wo teri maut ban to tujhe bhi ek salaam de

tu bus apne karm ko hi apna dharm man aur befikar hokr chalta jaa

ye jeevan hai tu jeeta jaa kuch karta jaa kuch seekhta jaa

By - ABHISHEK PANDEY (WRITER)

YE KHAMOSHIYAN....!!!

Ye Khamoshiyaan....

Ye khamoshiyaan ek chingari ki tarah mujhme kahi panap rahi hai

kaisi hai khamoshiyan ? aur kyu aa gayi mujhme ? aur kab isne mujhe apna basera chun liya ? 

aise hi kai sawal mera mann mujhse krta hai aur mera jawab 

naa jane kyu un khamoshiyon ke sath har wakt mashgool rahta hai...

Ye khamoshiyaan mujhse chahti kya hai aur ek chingari ki tarah mujhme rah kar jalati kya hai ?

jab ye chingari ki tarah mujhme ghar kar gayi to mujhe utni takleef nahi hui 

lekin jab ye chingari ek aag bankar mujhme jalne lagi to 

mere armaan meri pahchan mera abhimaan mera samman 

meri shakti meri bhakti meri khushi aur meri hasi sab jhulas kar rah gayi 

aur takleef mujhe sabse zada tab hui jab mai unhe jalta hua dekhta raha 

aur khud ki barbadiyon ka tamashbeen bankar khud ko lachaar aur bebas samajhta raha.

Ye khamoshiyaan apne isharon par mujhe har wakt ek kathputli ki tarah nachati rahi 

aur mere barbadi ka tamasha mere aankho ke samne is dunia ko bhi dikhati rahi.

jal chuki thi har chiz mere andar jo mujhe sabse zada pasand thi 

bus unki rakh mujhe hamesha ke liye khak karne ke liye aage badh rahi thi.

lekin ye khamoshiyon ki bhayankar aag sirf mere ek hisse ko na jala payi lakh koshisho ke bavjood 

aur wo hissa meri aatma thi mera mann tha jise na wo chita ki aag jala payi aur naa ye zameen kabhi dafna payi kyuki ye aatma sirf us parmatma se milti hai aur khud ko hamesha ki liye ajar amar kar deti hai.

Ye khamoshiyaan us wakt khamosh ho gayi jab meri aatma ne mujhe jhakjhora 

aur mujhe is gahri need se utha ke ye bola ki uth tu is gahri neend se 

aur is jalte hue aag pe pani daal kyuki tera man aaj b zinda hai fir in khamoshiyon ki kya bisat.

fir ye khamoshiyan us pal hi mujhme banaya hua apna basera chod kar kahi chali gayi 

kyuki mere mann ne mujjse chilla kar kaha bande tu abhi bhi zinda hai 

isliye jeete jee khud ki cheeta me aag mat laga....!!!

JEE CHAHTA HAI....!!!

Na jane kyu jab mai akela hota hu to

Tere sath wo akelapan batne ko jee chahta hai

Apne rang me rang kar tujhe apni zindagi

rangeen kar du aisi holi khelne ko jee chahta hai

Jab bhi tu gam me hoti hai aur akele roti hai to

tere har ansu pee jane ko jee chahta hai

Jab bhi mai akela rota hu tujhe yad krke fir

tere kandhe pe sar rakh kar sone ko jee chahta hai

Jab chalta hu raste par yuhi bina manzil ke to tujhe

khud ki manzil bana kr tujh tak pohochne ko jee chahta hai

Jab bhi sota hu mai rato me to tujhe ek

khubsurat sapne jaisa dekhne ko jee chahta hai

Jab mangta hu tujhse mai apne haq ka pyar to

na jane kyu har pal haan sunne ko jee chahta hai

Tu yaad kare mujhe har wakt har pal aisi

khwahish parvardigar se mangne ko jee chahta hai

Hum mile kabhi yaa na mile is zindagi ke khatm hone tk

par tujhe band ankho se dekhne ko jee chahta hai

Mai aaj hu yaha par tere kareeb tu mahsoos to Kar

kal nahi rahu shayad fir bhi teri yaden sath le jane ko jee chahta hai...!!!

BY- ABHISHEK PANDEY

MUJHKO PAHCHAN TO SAHI....!!!

Mujhko pahchan to sahi

Us wakt jab mai aya is dunia me anjaan bankar

Meri maa ne mujhe pahchana ek maa bankar

Is anjaan dunia ko apni nigaho se mai jhak hi raha tha

Aur apni nanhi si ankho se kisi ko talaash hi raha tha

Tabhi kisi ne uthaya mujhe godd me aur ye baat kahi

Tu mera pyara beta hai

Mujhko pahchan to sahi

Wakt badla dunia badli soch badli

lekin kuch samajh me aane laga

Jaise jaise mai wakt ke sath

kuch insano ko pahchanne laga

Apni baat kisse kahu aur kiski sunu mai ye soch raha tha

Jab mai pahli baar apne naye school me ro raha tha

Tbhi achanak mere kandhe pe kisi ne hath rakha bola tu rona nahi

Tu naya hai aur mai tera naya dost

Mujhko pahchan to sahi

Kitni khushiya mili kitne pal mile aise

jo zindagi ko mere khubsurat bana gaye.

Kuch dost apne jaise lagne lage

jaise pichle janm ka rishta wo is janm me nibha gaye.

Khud ko mai har pal samjhata ki tu mat badalna

Aur khud me ek wishwas jagata

ki har pal hai mujhe sambhalna

Har koshish meri aaj tak nakam kyu nahi

Kyuki khud ko roz aaine me dekh mai khta

Mujhko pahchan to sahi....!!!

By- Abhishek Pandey (Writer)

JAB BHI IN LAHARON KO MAI DEKHTA HU...!!!

Jab bhi in lahron ko mai dekhta hu 
Ek ajeeb si umang jag jati hai 
Jab ye lahren khelti hui pas mere aati hai 
Kuch tazgi lekar kuch saadgi lekar kuch to ye gungunati hai 
Hawa ke sath batein krti ye chanchal ye ithlati hai 
Kabhi mere pass aati hai to kabhi door chali jaati hai 
Bus ek khwab ko khuli ankho se har pal dekhta hu 
Jab bhi in lahron ko mai dekhta hu 
Ye lehrein bhi hai ek dost ki tarah jo apas me takra kr bhi sath ek dusre ka nibhati hai 
Lagta hai yu jaise chupke se akr ye kuch kahani sunati hai 
Na kabhi soti hai na kabhi kuch khoti hai na hi inki pohoch choti hai 
Kash mai bhi daud saku inki tarh zindagi ki raah me nidar bankar 
Kash mai bhi paa saku koi kinara apne apno ke sath humarahi bankar 
Aisa hi kuch khyal mere man me ata hai 
Jab bhi in lahron ko mai dekhta hu...!!! 

BY- ABHISHEK PANDEY

एक लेखक हु मै...!!! 

एक लेखक हु मै

हर वो एक लेख लिखता हु जो इन्सान पढ़ सके 

हर वो एक कहानी लिखता हु जो जाकर सीधे दिल में लगे 

हर वो एक शब्द तराशता हु जो पत्थर पे लिखे तो कभी न मिटे  

कल्पनाओं के दरिया में लहरों की तरह बहता हू मै

क्यूकि एक लेखक हू मै 

इस पूरी दुनिया को अपने मन से देखने की कोशिश करता हू

हर एक इन्सान को बखूबी समझ सकू ऐसी गुंजाईश करता हू 

ऐसी ही सोच समझ के अंधियारे में उजाले करता हु मै

क्यूकि एक लेखक हु मै 

भावनाओं को पिरों कर शब्दों में अपने एक दुनिया सजाता हु

उस दुनिया में अपने ही घर की दीवारों पे अक्षर के रंग लगता हु 

कुछ ऐसे ही सपनो को हकीक़त बनाने की ख्वाहिश में जिंदा हु मै

क्यूकि एक लेखक हु मै..!!!

सारे लेखकों को समर्पित....!!!

AYE PATH KE RAAHI TU CHALTA CHAL...!!!

Aye path ke raahi tu chalta chal

Manzil ki or nikal dil ko rakh sheetal

Na kahi fisal na kahi pighal tu apna nam kahta chal

Aye path ke rahi tu chalta chal

Soch mat jada samajh se apne tu

Samajh mat jada soch se apni tu

Is soch samajh ki uljhan me tu kho dega apna kal

Jis path pe tu chal rha hai uspe hai tera wishwas atal

Aye path ke raahi tu chalta chal

Musibaton se khelna tu ab seekh le

Na kisi se kuch asha kar na kisi ki bheekh le

Tu bus chal kr apni parchai se aage badhna seekh le

Na kar tu jaldi na kar tu hulchal

Kar wakt ke sath ek nayi pahal is pal

Aye path ke raahi tu chalta chal

Manzil bhi teri hai rasta bhi tera hai

Fir kyu kar raha tu khud ko adal badal

Tu payega apni manzil ko bina kiye chahal-pahal

To na kar tu fikar bus gir gir kr sambhal

Aye path ke rahi tu chalta chal chalta chal bus chalta chal...!!!

By- ABHISHEK PANDEY (JORDAN)