AYE PATH KE RAAHI TU CHALTA CHAL...!!!

Aye path ke raahi tu chalta chal

Manzil ki or nikal dil ko rakh sheetal

Na kahi fisal na kahi pighal tu apna nam kahta chal

Aye path ke rahi tu chalta chal

Soch mat jada samajh se apne tu

Samajh mat jada soch se apni tu

Is soch samajh ki uljhan me tu kho dega apna kal

Jis path pe tu chal rha hai uspe hai tera wishwas atal

Aye path ke raahi tu chalta chal

Musibaton se khelna tu ab seekh le

Na kisi se kuch asha kar na kisi ki bheekh le

Tu bus chal kr apni parchai se aage badhna seekh le

Na kar tu jaldi na kar tu hulchal

Kar wakt ke sath ek nayi pahal is pal

Aye path ke raahi tu chalta chal

Manzil bhi teri hai rasta bhi tera hai

Fir kyu kar raha tu khud ko adal badal

Tu payega apni manzil ko bina kiye chahal-pahal

To na kar tu fikar bus gir gir kr sambhal

Aye path ke rahi tu chalta chal chalta chal bus chalta chal...!!!

By- ABHISHEK PANDEY (JORDAN)

Ye Hai Mumbai Meri Jaan....!!!

Ye hai Mumbai meri jaan

Kabhi kahti mujhse khud ko pahchan

to kabhi kahti mujhse mujhko pahchan

Jab jab gira mai nirash hokr

to kahti apne kadam khud sambhal aye nadaan

Mai mumbai hu jaha hota hai sirf khel ka maidaan

kyuki Kahte hai sab mujhko mai hu unki jaan

Kabhi mujhe tarah tarah ke logon se milwati

kabhi kuch khas rishtey banwati

Jise haqiqat man leta mera ye dil baimaan

Kyuki itna bhi nahi samajh paata

ki Ye hai mumbai sabki jaan

Mai badhta raha wakt ki ungli tham

Kyuki wakt hi tha us wakt mere liye ek insaan

Lekin kismat na jaane kaha se aa gayi bich me lekr apna imaan

Jo wakt ke sath imandari dikhayi aur mujhe bana diya sabke liye baimaan

aur kaha bacche pahle khud ki bana pahchan jo ho tera iman

Kyuki mai nahi hu teri jaan

Is baimaani ke baad smjh me aaya mujhko

na aya kam mere wakt na hi kismat aur naa hi insaan

Kyuki in sab ke chodne ke baad bhi koi saath thi mere 
aur wo thi meri sirf mumbai meri jaaaaaan..!!!

BY- ABHISHEK PANDEY

AAYI HAI....!!!

Ye ek halki si muskan kuch kahna chah rhi hai

Khud ko bhula kr ek shakhs ko yaad dila rahi hai

Kya mai khush hu ya gam me hu ye baat smjh na aa rahi hai

Lagta hai jaise wo mujhe apne pass bula rhi hai

Soch soch ke man behal kr raha mere dil ko

Naa jaane ye kaha se bhavanaon ki aandhi aayi hai

Aansuon ka sailab uske ankho se bah raha hai

Aur jalan aaj mere aankho me utar aayi hai

Aye rabba uska gam kuch der ke liye kabu me rakh

Kyuki jaan meri har pal usme samai hai....!!!

BY- ABHISHEK PANDEY

MAI CHAAHU......!!!

Kabhi is paar aana chahu to kabhi us paar jana chahu

is paar us paar ki kashmakash me har ek baar jaana chahu

kabhi pattharon se takrana chahu to kabhi lahron k sath lahrana chahu

takrane ke kuch wakt baad un pattharon ko lahron se milana chahu

kabhi hawaon ke sath bahna chahu to kabhi khud ko aajmana chahu

ajmane ke kuch wakt baad khud ko hawaon ki trh dekhna chahu

kabhi wakt ke sath daudna chahu to kabhi ruk kr peeche dekhna chahu

peeche dekhne ke baad us wakt ko wapas se laana chahu

kabhi maa ki godd me letna chahu to kabhi papa se kuch aur seekhna chahu

kuch aur seekhne ke baad khud ke kadam khud hi sambhalna chahu

kabhi doston ke liye wakt chahu to kabhi wakt ko hi apna dost chahu

ye sab chahne ke baad dost aur wakt ko mere sath chalte dekhna chahu

kabhi sote wakt ek sapna chahu to kabhi us sapne ko haqiqat me badalna chahu

haqiqat me badalne ke baad fir se ek baar thoda sona chahu

kabhi zindagi ko jeena chahu to kabhi thoda thoda marna chahu

marne ke baad is dunia ko bhi sath le jana chahu....le jana chahu...le jana chahu..!!!!!

BY- ABHISHEK PANDEY

"AISA UTSAV HUMARA THA"

Aisa utsav humara tha, Jaise koi sapna haqiqat bnana tha.

Taiyarian shuru ki aisi humne, jaise Worldcup organise karana tha.

Sponsors khojne lage hum aise, jaise koi bada sa  khajana tha.

Lagav kuch is tarah hua sabse, jaise rishta koi bhot purana tha.

Aisa utsav humara tha, Jaise koi sapna haqiqat bnana tha.

Kaam krna tha raat bhar, to neend kha se ana tha ?

Tention thi itni bhari, To ciggrette kise bachana tha ?

Jimmedari thi itni badi sir pe, To ghar kise jana tha ?

Kuch gile shikwe hue aise, jispe rona kuch ko ana tha.

Aisa utsav humara tha, Jaise koi sapna haqiqat bnana tha.

Dance hue kuch aise, jisme dil kisi ka toot jana tha,

Couple dance bhot hue, kyuki Valentine theme jo banana tha.

20 din gujare aise ki, jaise 3 ghante ka film koi purana tha.

Bhavans mess me khate the sb aise, jaise Maa ke hath ka bna khana tha.

Aisa utsav humara tha, Jaise koi sapna haqiqat bnana tha.

Event jis din tha humara, us din sabko jaldi ana tha,

T-shirt pahanne the ek jaise, kyuki SBC ki pahchan banana tha.

Participate krna tha hum sabko, kyuki Event dhansu bnana tha.

Photo to aise khichwaye sabne, jaise modeling line me jana tha.

Aisa utsav humara tha, Jaise koi sapna haqiqat bnana tha.

Aya akhiri din Utsav ka, Jis din sbko ko nachna aur gana tha.

Taiyar ho rhe the sab aise, jaise kisi ki barat me jana tha.

Mehnat aisi thi hum sabki, to pasand sabhi ko ana hi tha.

Aisi hi kuch khatthi meethi yadon ke sath, Utsav khatm karana tha.

Aisa utsav humara tha, Jaise koi sapna haqiqat bnana tha.

                                                                                                               BY- Abhishek Pandey

Aaj bhi na jane kyun.....!!!!!

Aaj b na jane kyu dil uski ek jhalak ko tarasta hai,

Aaj b na jane kyu dil uski ek muskan pe marta hai,

Mai thak gya is dil ko apni majbooriyan batla kr

Lekin mera hokr bhi ye begane ke liye dhadkta hai,

Kabhi sochta hu ki na isko kuch kahu aur na iski sunu mai

Lekin na jane kyu fr man kuch aur khta hai

Mai bolta hu man se ki had me rhna seekh le

Lekin wo bhi meri had se bhot darta hai...

Aaj b soch ke hairan rhta hu ki kaise jee rha tha pahle aur kaise aaj jee rha hu,

Wakt ke sanche me dhalte dhalte badal rha hu...

Badal rha hai wakt sath mai bhi badal rha hu

Lekin ye dil wahi par thama hai jaha se sb bhul kr mai chala hu.....

By- Abhishek Pandey